Асел Ногойбаеванын кулак-мурдун кескиледи делген Азамат Эстебесов сотто күнөөсүн мойнуна алган жок. Бул туурасында келиндин адвокаты Индира Саутова билдиргенин «Спутник» жазды.
“Ар шылтоону айтып, мага жин кирип кеткен сүйлөй албайм деп жатты. Кулагыма башка кишилер угулуп жатат, башым ооруду, ооруканага алып баргыла деди. Күбөлөр жооп берип атса, жинденип, агрессиясын көрсөтүп, сүйлөнүп жатты, судьядан эскертүү алды”, — деген жактоочу.
Ал айыпкер ушундай жол менен жоопкерчиликтен качууга аракет кылып жатат деп эсептейт, анткени төрт экспертизанын корутундусунда оорусу чыккан эмес.
Сот жабык эшик артында өттү.
