«Art-Ordo – 2025» эл аралык театр фестивалынын байге фонду 2 млн сомду түзөт. Бул тууралуу бүгүн «Кабар» агенттигинде өткөн маалымат жыйында маданият, маалымат жана жаштар саясаты министринин биринчи орун басары Союзбек Надырбеков билдирди.
Анын айтымында, мындай ири байге фонду чыгармачылык менен алектенген жаштар үчүн чоң стимул болот. Фестиваль жалпысынан 17 номинация боюнча өткөрүлөт жана ар бир номинациянын жеңүүчүлөрү сыйланат.
«Калыстар тобу беш мыкты жана тажрыйбалуу калыстан турат. Алардын арасында эл аралык калыстар да бар. Ар бир номинация боюнча чечим адилеттүү жана калыс кабыл алынат деп ишенем», — деди Надырбеков.
