Нарын шаарында Энелер күнүнө карата салтанаттуу иш-чара болуп өттү. Майрамдык кечеге аймактагы көп балалуу энелер, эмгектин ардагерлери жана коомдук иштерде активдүүлүгүн көрсөткөн айымдар чакырылды.
Салтанаттуу иш-чарага келген 300дөн ашык энени Жогорку Кеңештин төрагасынын орун басары Жылдыз Таалайбек кызы, Нарын шаарынын мэриясынын жетекчилиги жана жергиликтүү кеңештин депутаттары куттукташты.
Жетекчилер өз куттуктоолорунда үй-бүлөнүн куту болгон энелердин коомдогу ордун, өсүп келе жаткан муунду тарбиялоодогу жана өлкөнүн өнүгүүсүнө кошкон салымын өзгөчө белгилешти.
