Нарын районуна кар көчкү түшүп, тургундардын мал-жандыктарын басып калган. Бул тууралуу ӨКМден билдиришти.
«16-январда 17:00 чамасында Нарын районунда Жерге-Тал айыл аймагына караштуу Бак-Четин кыштоосуна көлөмү болжол менен 5000 м3 кар көчкү түшкөн. Жерге-Тал айылынын 11 тургунуна таандык 82 кой, 2 эчки, 3 баш бодо малды кар көчкү басып калган. Мындан сырткары кыштоого каттоочу жолу да жабылган»,- деп берилет маалыматта.
Жерине Нарын райондук өзгөчө кырдаалдар бөлүмүнөн ыкчам топ, айыл өкмөттүн 5 кызматкери, 1 жүктөгүч, 1 ГАЗ-66 жана жергиликтүү тургундардан 75 адам тартылган. Жол тазалоо айыл аймагына жүктөлгөн. Жабыркагандар жок.
