Нарын облусунун Ак-Талаа районуна караштуу Баетов айылында наркы 179 миллион сомду түзгөн жаңы бала бакча курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
«Башкы план боюнча бала бакча 240 орунга ылайыкталып, жалпы аянты 2619 чарчы метр болгон эки кабаттуу имараттан турат. Курулуш-монтаждоо иштери курулуш ченемдеринин негизинде “Сапат Пром” ЖЧКсы тарабынан аткарылуула», — делет маалыматта.
Белгилей кетсек, долбоор республикалык бюджеттин эсебинен каржыланып, Турак жай-жарандык курулуш департаменти тарабынан ишке ашырылат.
