NASA 2030-жылга чейин Айга 100 киловаттык ядролук реактор орнотууну тездетет. АКШнын транспорт министри жана убактылуу NASA жетекчиси Шон Даффи бул жумада долбоор тууралуу расмий жарыя жасай тургандыгын Риа агенттиги билдирет.
Маалыматта белгиленгендей, компаниянын максаты — космостук жарышта алдыда болуу. Башка бир өлкө мындай реакторду биринчи орнотсо, ал АКШнын ишине тоскоол болчу “тыюу салынган аймакты” жарыялап коюшу мүмкүн.
Бул — космосту ким биринчи өздөштүрөт деген чоң атаандаштык.
Мунун алдында Россия менен Кытай Айда биргелешкен энергетикалык станция куруу боюнча келишимге кол коюшкан. Ошондой эле Кытай 2030-жылы Айга адам жиберүүнү пландап жатат. Россия Венера планетасын изилдеп, ал жакта мурда жашоо болгон-болбогонун аныктоодо.
