Ноокат райондук ички иштер бөлүмү жарандарды шылуундардын илмегине илинип калуудан сак болууга чакырат.
Акыркы күндөрү интернет аркылуу жасалган алдамчылык фактылары көбөйүүдө. Шылуундар өздөрүн банк кызматкери же укук коргоо органынын өкүлү катары тааныштырып, сиздин атыңыздан шектүү акча которуулар болуп жатат деп, коркутуу жолу менен акча талап кылышууда.
Эсиңиздерде болсун:
– Банк кызматкерлери же милиция телефон аркылуу эч качан акча талап кылбайт!
– Эч качан банк эсебиңизди “коргоо үчүн” башка эсепке акча которбоңуз!
– Белгисиз номерден ушундай чалуу түшсө, дароо сүйлөшүүнү токтотуп, 102 номерине кабарлаңыз.
Этият болуңуздар, туугандарыңыздарга да айтыңыздар!
Коопсуздук өзүңүздөн башталат!
