Ош облусунун Ноокат районунда эркек киши 63 жаштагы атасын муунтуп өлтүрдү. Бул тууралуу облустук ички иштер башкармалыгы билдирди.
Маалыматка ылайык, бул окуя тууралуу аалымат 30-ноябрь күнү саат 08: 30да келип түшкөн.
«1989-жылы туулган Чеч-Дөбө айылынын У.Ж аттуу тургуну 63 жаштагыатасын кетмен менен чаап андан соң аны муунтуп өлтүрүп койгон. Шектүү атасы жана апасы менен жашагандыгы аныкталды. Ал 7-классынан баштап психикалык оорулуу деп табылып, каттоодо турган», — деп берилет маалыматта.
Бул факт «Киши өлтүрүү» беренеси боюнча катталып, тергөө иштери улантылууда.
