Президенттин Иш башкармасына караштуу Клиникалык ооруканада кеңири масштабдагы капиталдык оңдоолор жүргүзүлүп, бүгүн поликлиника жана кардиология бөлүмдөрү толук жаңыланган түрдө ишке берилди.
Аткарылган иштер:
— Реанимация, жалпы профиль, күндүзгү стационар, лаборатория, кир жуугуч жана тамактануу бөлүмдөрү жаңыланды.
— Суу, электр, жылуулук, канализация системалары, пол, эшик-терезе, чатыр жана короо толук оңдолду.
— Заманбап жабдуулар орнотулуп, кызматкерлерге ыңгайлуу шарттар түзүлдү.
Медициналык тейлөөнүн жаңычылдыгы:
— Диагностика ыкмалары (УЗИ, томография, рентген, гастроскопия ж.б.).
— Электрондук төлөм, МИС системасы, онлайн каттоо.
— Айлык маяналар жогорулап, жаңы адистер тартылды.
Бүгүнкү күндө имараттын 65% капиталдык оңдоодон өттү. Бул иштер президент Садыр Жапаровдун саламаттыкты сактоо тармагына болгон колдоосунун алкагында ишке ашырылууда.
