Чүй районунда жарандык никедеги жолдошу аялын өлтүрүүгө шектелип кармалды. Бул тууралуу облустук милициядан билдирди.
Маалыматка ылайык, кечээ 30-июнь күнү жайлоолордун биринде аял киши ок атуучу курал менен атынып, өз өмүрүн кыйгандыгы тууралуу маалымат келип түшкөн.
Жансыз денеге кароо жүргүзгөндө анын денесинде жаракаттар аныкталып, ал 1976-жылы туулган У.Н. аттуу жаран экендигин такталган.
Жубайлар жайлоодо малчы болуп иштеп жүрүшкөн. Окуя мас абалында күйөөсү менен аялы уруша кеткенден улам келип чыккан. Учурда кармалган жаран убактылуу кармоочу жайга камакка алынып, зарыл болгон экспертизалар дайындалды.
Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Териштирүү иштеринин алкагында, жогорудагы кылмышка шектелип каза болгон аялдын жарандык никедеги жолдошу кармалган.
Учурда сотко чейинки өндүрүш иштери улантылууда.
