2026-жылы Кыргызстанда жаңы төрөлгөн балдарга коюлган өзгөчө жана сейрек ысымдар аталды. Бул тууралуу «Кызмат» мамлекеттик мекемеси билдирет.
Маалыматка ылайык, сейрек эркек аттардын арасында: Шох Жохон Мухаммад Расул, Шахрух Мирза, Июльбек, Карышкырбек, Адмирал, Дасталбек, Байангалый, Густав, Джими жана Олимпиадабек бар.
Сейрек кездешкен кыздардын ысымдары: Ай, Алтынкирпик, Брилянтта, Врачкуль, Нарына, Алондра, Эйва, Мулан жана Бактаалайбергенгүлүм бар.
Ошондой эле Окей, Учурашалы, Кызмат, Эдельвейсберг, Чайжанкул, Тажмахол, Салсабилбиби, Джихуара, Хермес жана Равулькастро сыяктуу аттар катталган.
Бул жылы дагы Мухаммад жана Айлин аттуу ысымдар эң популярдуу аттардын катарын толуктаган.
