Кыргызстандык спортчу Денис Петрашов 25 суучул катышкан 200 метр аралыкка брасс ыкмасы менен сүзүү жарышында күчүн сынады.
Анда Петрашов 16-орунга чыгып, 2 мүнөт 10,99 секунда жыйынтыгы менен жарым финалга чыкканга мүмкүнчүлүк алды. Жарым финалдык беттеште кыргыз спортчусу өзүнүн жыйынтыгын жакшыртып, 2 мүнөт 10,19 секунда менен тайпасында 7-орунду ээледи.
Петрашов жарым финалдык сууга сүзүү жарыштарынан кийин 14-орунга жайгашып, 8 спортчу ат салыша турган финалга чыга албай калды.
Белгилей кетсек, Кыргызстандын 16 спортчусу сууда сүзүү, спорттук күрөш, жеңил атлетика, дзюдо жана бокс боюнча мелдештерге катышат.
