Он төрт жыл мурда жоголгон президенттик төш белги табылып, музейге өткөрүлдү. Бул тууралуу Тынчтыкбек Аметов аттуу жаран социалдык тармактан билдирди.
Маалыматка ылайык, ал 2010-жылдагы ыңкылап учурунда экс-президент Курманбек Бакиевдин президенттик төш белгисин таап алып, 14 жыл бою катып жүргөн.
Быйыл президент Садыр Жапаровго жолугуп, баасы 10 миң долларга жакын деп эсептелген белгини белекке берүүнү сунуштаган, бирок Жапаров андан баш тартып, музейге өткөрүп коюсун айткан.
Ал президенттин тапшырмасын аткарып, президенттик төш белгини музейге өткөргөн.
