Өлкө аймагында оор жана кооптуу жүктөрдү ташуучу унаалардын ишин көзөмөлдөө күчөтүлдү. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы кабарлады.
Маалыматка караганда, жол кыймылынын коопсуздугун жогорулатуу максатында айдоочулар менен жолугушуулар өткөрүлүп, бир катар талаптарды сактоо боюнча түшүндүрүү иштери жүргүзүлдү.
Айдоочуларга жол кыймылынын эрежелерин так жана үзгүлтүксүз сактоо, унаанын техникалык абалын көзөмөлдөө, жөө жүргүнчүлөргө жана жеңил автоунааларга артыкчылык берүү, унаалардын санитардык абалын камсыз кылуу, өз учурунда жууп-тазалоо талабы коюлду.
