Кардиология институтунан чыккан өрт боюнча кылмыш иши козголду. Бул тууралуу Биринчи май РИИБнен билдирди.
Кылмыш-жаза кодексинин 275-беренеси (Өрт коопсуздугунун эрежелерин бузуу) менен козголуп, бардык экспертизалар дайындалды.
Саламаттык сактоо министрлиги каза болгондордун бирөө 16 жаштагы өспүрүм, экинчиси ымыркай экенин кабарлады.
Өрт учурунда башка ооруканаларга жайгаштырылган бейтаптардын ичинен эки баланын абалы өтө оор экени белгиленди. Түтүнгө ууланган 9 адамдын жетөө медик, экөө бейтаптарды карагандар экени кошумчаланды.
Белгилей кетсек, кечээ саат 21.00дөрдө Бишкектеги Кардиохирургия илим-изилдөө институтунда өрт чыккан. Жалын саат 23:15те толук өчүрүлүп, 260 адам эвакуацияланган.
