Россиянын белгилүү «Орел и решка» реалити шоу программасы кайрадан Кыргызстанга келээрин кабарлашты. Тагыраагы 4-11-июлда өлкөнүн түштүк борбору Ош шаары менен таанышмакчы. Бул тууралуу берүүнүн уюштуруучулары, расмий баракчасында жарыялашкан.
Уюштуруучулар ушул учурда, жергиликтүү тургундардын ичинен уюштуруу иштерине жардам бере ала турган ыктыярчыларды издеп жаткандыгын да билдирген.
Эске салсак «Орел и решка» реалити шоусу буга чейин 2013-жылы Бишкек шаарында болгон. Долбоордун алып баруучулары кымыз, чучук, беш бармак сыяктуу кыргыз даамдарынан ооз тийип, кыргыз боз үйү менен да таанышкан.
