Кийинки жылы өлкөдө бир нече тарыхый тасма тартылат. Бул тууралуу Аида Үсөнова Спутник радиосуна маек куруп жатып билдирди.
Анын айтымында, соңку жылдары өкмөт кино тармагына каржылоону көбөйтүүдө.
«2021-жылдан бери каржылоо жыл сайын өсүп жатат. Кино тармагына татыктуу көңүл бурулууда. Бул үчүн өкмөткө рахмат. 2026-жылы чоң иштерди аткарууну пландап жатабыз. «Сынган кылыч», «Ормон хан», «Ажар» сындуу тарыхый фильмдер тартылат. Ошондой эле буга чейин аткарылып келген иштер уланат. Мындан тышкары, «Кыргызфильм» коммерциялык фильмдерди тартууну да пландоодо», — деди Жусупбекова.
Ошондой эле ал кийинки жылы «Кыргызфильмдин» материалдык базасы да чыңдаларын кошумчалады.
