Укук министринин орун басары Орозбек Сыдыков: Жалаа жабууну токтотуу үчүн айып пул салып жазалоо ыкмасы көптөгөн мамлекетте колдонулат. Кыргызстанда жалаа жабуу үчүн кылмыш жазасы 2010-жылы алып салынган, бирок дүйнөнүн дээрлик 95% өлкөсүндө андай кылмыш жаза интернет жок кезде эле киргизилген. Мисалга, АКШда, Бельгия, Германия, Италия, Орусия, Өзбекстан, Тажикстан, Францияда – андай аракет үчүн кылмыш жаза каралган.
Азыр Кыргызстанда жаңы мыйзам Жогорку кеңеш тарабынан биринчи окууда кабыл алынды, андан бери ар башка сунуштар жасалды жана эми экинчи окууга чейин ошол сунуштар талданат жана мурда сунушталган айып пулдун өлчөмү азайтылат болуш керек. Башка да кошумчалар киргизилет болуш керек. Негизгиси – кайсы бир жаран арыз жазып, сотко кайрылмайынча, андай аракеттер көрүлбөйт жана жогорку деңгээлдеги адис эксперттерди даярдоо иштери жүрүп жатат…
