Орусиянын Нижневартовск шаарындагы кырсыктын Аман Батырбеков алдын алганын ЖМКлар жазып чыгышты.
Маалыматка караганда, үйдүн жашоочуларынын көңүлүн көп кабаттуу үйдүн терезесинен ыргытылып жаткан оюнчуктар бурган. Алар 8-кабаттын терезесинен баланы байкап, полиция чакырышкан. Полиция келгиче кошуналар 3 жаштагы баланы үйгө кирүүгө көндүрүүгө аракет кылышкан, бирок мындан майнап чыккан эмес. Полиция келип, үйдүн эшигин тыкылдатканда эч ким ачкан эмес.
Ошондо Батырбеков жардамга келген. Ал 9-кабаттан аркан менен түшүп, батирге кирип, баланын жалгыз экенин көргөн. Ата-энеси баланы бутунан жип менен эмерекке байлап таштап кетишкен. Баланын апасы табылганда бир аз мурда эле эшикке чыгып кеткенин айткан.
