Орусиялык белгилүү мушкер Александр Писарев 33 жашында каза болду. Бул тууралуу “Москва 24” жазып чыкты.
Алдын ала маалыматтар боюнча, спортчу тамак-аштан ууланган. Ал уктап жаткан жеринен жан берген. Анын эч кандай өнөкөт оорулары жок экендиги айтылат.
Мекеменин маалыматына караганда, Писаревдин жубайы күйөөсүнүн өлүмүн уккандан соң ден соолугуна байланыштуу ооруканага түшкөн.
Эскерте кетсек, Алексантр Писарев кол күрөш боюнча Москванын чемпиону, грэпплинг, ММА боюнча Москванын чемпиону, Борбордук федералдык округдун чемпиону жана ММА боюнча Европа чемпионатынын финалисти.
Анын акыркы беттеши 2020-жылдын февраль айында болгон. Жалпысынан ММА боюнча беш беттеш өткөрүп, анын үчөөндө жеңишке жеткен.
