Ош-Баткен-Раззаков жолунда жол кырсыгы катталып, аял киши каза болду. Бул тууралуу Баткен облустук жол кыймылынын коопсуздугун камсыздоо башкармалыгы кабарлады.
19-февраль күнү саат 22:04 чамасында Рават айылы аркылуу өткөн Ош-Баткен-Раззаков унаа жолунун 300, 900-чакырымында аталган айылдын тургуну башкарган Баткен районунун №2 Жол тейлөө ишканасына таандык болгон ISUZU NLS 43-150 үлгүсүндөгү атайын унаасы менен инерттик материалдарды себип бара жаткан. Ошол учурда арт жагынан удаалаш келе жаткан Ташкент шаарынын жашоочусу «Центр комплектации MCHJ» ишканасына таандык болгон унааны башкарып бара жатып, рулун башкара албай атайын техниканы арт жагынан сүзгөн.
Кырсыктын кесепетинен Шевроле унаасында жүргүнчү болуп бара жаткан Ташкент шаарынын тургуну ооруканага жетпей каза болгон. Ал эми 2020-жылы туулган кызы денесинен жараат алып, Баткен ооруканасына жеткирилди.
