Ош шаарынын мэринин кеңешчисинен коронавирус аныкталып, аны менен байланышта болгондордон анализ алынууда. Бул маалыматты мэриянын басма сөз катчысы Азамат Абсаттаров тастыктайт.
«2 күн мурун Ош шаардык мэриясынын бир кызматкери пневмониядан оруканага жатты. Ал Бишкектен келип эле ооруп калган. Аны менен байланышта болгон мэриянын 2 кызматкерлери да анализ тапшырып таза чыкты», — деди Абсаттаров.
Учурда Ош шаарында коронавирус жуктурган 34 бейтап ооруканада дарыланып жатышат.
Саламаттыкты сактоо жана социалдык өнүктүрүү министрлигинин Ош шаарындагы координатору Кыялбек Ташполотов илдеттин жайылусуна шайлоонун таасири бар экенин айтат.
Ош шаарында азыр 2 мектеп жабылган.
Казыяттагы дин кызматкерлерине таравих намазында аралыкты сактоо милдети жүктөлгөн.
Коомдук унаалар дезинфекцияланып, адамдар көп чогулган аймактарда түшүндүрүү иштери жүргүзүлүп жатат. Бирок конкреттүү чектөө кирген жок.