Ош облусунун Көк-Бөрү Федерациясынын жетекчиси Болот Дыйканбаев ээлеген кызмат ордун өз ыктыяры менен бошотуп берип, ордуна жаңы жетекчи дайындалды.
30-апрелде Көк-Бөрү Федерациясынын башкы вице-президенти Руслан Тетуев менен катчысы Аскарбековдун катышуусунда Ошто атайын съезд өтүп, катышуучулардын бикдиктүү колдоосу менен Баястан Өмүрсалиев Ош облусунун Көк-Бөрү Федерациясынын жетекчиси болуп шайланды.
Баястан Өмүрсалиев мурда Кара-Кулжа району боюнча улуттук оюн, Көк-Бөрү ойноочу улакчыларды жетектеп келген.
Ошондой эле Федерациянын Ош облусу боюнча биринчи вице президенти болуп Абди Исаков шайланды.
Жаңы шайланган жетекчилер алдыдагы улуттук оюндардын мыкты деңгээлде өтүүсүнө салым кошуп, көк бөрү оюнун өнүктүрөт деген ишенип менен ийгилик каалайбыз!