Ош шаарынын Н.Исанов көчөсүндө, 2,6 гектар аянтта заманбап эс алуу багынын курулушу жүрүүдө.
Жасалып жаткан иштердин жүрүшү менен Ош шаарынын мэри Жеңишбек Токторбаев жеринен таанышып, тиешелүү кызматтарга курулушту сапаттуу жана мөөнөтүндө бүткөрүүнү тапшырды.
Ал жерге төмөнкү объектилер түшмөкчү:
- 156 автоунаа сыя турган үч кабаттуу токтотмо жай;
- коомдук тамактануу жайлары;
- футболдук чакан аянттар;
- заманбап ажатканалар;
- кире бериш жерине кооздолгон арка коюлмакчы.
Учурда сейил жайга сугаруучу система орнотуп, кишилер басчу жерге таш тамандар төшөлүп жатат.
