Бүгүн, ак калпак күнүнө карата Ош шаарындагы Токтогул Сатылганов атындагы сейил багында “Ак калпак” инсталляциясынын ачылышы болду. Бул тууралуу Ош шаарынын мэриясынын басма сөз кызматы билдирди.
Маалыматка ылайык, ага Ош шаарынын вице-мэри Венера Рыскулова, Ош шаардык кеңешинин төрагасынын орун басары Шайырбек Нуранов катышты.
Бийиктиги 4 метр болгон инсталляция үч бурчтуу түз призма болуп, анын бардык тарабында Ош шаарынын бренди коюлуп, үстүнө улуттук баш кийим – ак калпак орнотулган. Андан соң Ак калпак күнүнө карата иш-чаралардын алкагында шаардын борбордук көчөлөрүндө массалык жөө жүрүш өттү.
