Ош шаарынын архитектура кызматкерлери шаар куруу жаатындагы системалуу мыйзам бузуулар үчүн Ош шаарынын башкы архитекторунун биринчи орун басары жана Ош шаарынын архитектура боюнча адиси кармалышты. Бул тууралуу УКМК кабарлады.
Долбоордук-сметалык документтерди даярдоодо долбоорлоочу уюмдар жана курулуш компаниялары курула турган объектилер боюнча, тагыраагы жашоочуларды унаа токтотуучу жайлар менен камсыз кылуу боюнча туура эмес маалыматтарды атайылап киргизип, анын негизинде Ош шаарынын архитектура кызматкерлери турак жай комплекстерин куруу долбоорлорун бекитишкен.
Материалдык пайда алуу максатын көздөп, курулуш компаниялары коммерциялык имараттарды курушкан, деген менен алар жашоочуларга жетиштүү унаа токтотуучу жайларды камсыз кылууга милдеттүү болушкан. Өз кезегинде, Ош шаарынын архитектура кызматкерлери, кызматтык мүнөздөмөлөрүнө ылайык, шаардык инфраструктуранын өнүгүүсүн жана шаар тургундарынын ыңгайлуу жашоо шарттарын камсыз кылууну талап кылышат, иш жүзүндө курулуш компанияларынын өкүлдөрү менен алдын ала келишим түзүшкөн.
