Ош шаарында спорттук туризм боюнча Дүйнө кубогуна старт берилди! Маалыматтык камсыздоо бөлүмү кабарлады.
Ош шаарында алгачкы жолу спорттук туризм багытындагы Дүйнө кубогунун расмий ачылыш аземи болуп өттү.
Иш-чарага Ош шаарынын мэринин орун басары Нурлан Закиров, спорт эл аралык федерациянын өкүлдөрү, ошондой эле жаш спорт сүйүүчүлөр катышышты.
Катышуучулар Керме-Тоо кырка тоосунун боорунда тоого чыгуу жана түшүү, тоо шартында жабыркагандарды куткаруу ыкмалары жана практикалык көндүмдөрүн көрсөтүштү.
Бул ири спорттук иш-чарага Казакстан, Өзбекстан, Тажикстан, Россия жана Кыргызстандын курама командалары катышууда.
Кубоктук мелдештер 16-ноябрга чейин Керме-Тоо кыркасында уланат.
