11-декабрга карата коронавирус дагы 68 адамдан аныкталып, 57 адам илдеттен сакайып чыкты. Бул тууралуу Республикалык штаб билдирет.
Маалыматка ылайык, бир суткада 2 бейтап каза болду.
- Бишкек шаарында – 29,
- Ош шаарында – 1,
- Чүй облусунда – 15,
- Ош облусунда – 6,
- Талас облусунда – 1,
- Нарын облусунда – 1,
- Ысык-Көл облусунда – 6,
- Жалал-Абад облусунда – 6,
- Баткен облусунда – 3 адамдан илдет жаңы табылган.
Пандемия башталгандан бери 183 миң 931 адам коронавирус жуктуруп, алардын ичинен 178 миң 962 киши айыгып чыкса, 2 миң 768 адам каза болду.
