Финансылык көзөмөл кызматынын Түштүк аймактык башкармалыгы жана салык кызматы менен биргеликте Ош шаарында жана Ош облусунда иш алып барган күрөөканаларын текшерип жатат. Бул тууралуу УКМК билдирди.
Текшерүү маалында айрым күрөөканалар элден мыйзамда каралгандан ашык пайыз алып келгени аныкталды. Мындай мыйзам бузгандарга айып пул салынып, жоопкерчилик каралууда.
Жыйынтыгында 30дан ашык күрөөкана жабылды!
Алардын иши убактылуу токтотулуп, учурда кошумча текшерүүлөр жүрүп жатат.
«Мындан тышкары, элди кыйын абалга салып, оор шарттар менен акча берип, күрөөдөгү мүлктү өз пайдасына өткөрүп алган сүткорлорду аныктоо иштери да күчөтүлдү.
Элдин акчасын мыйзамсыз пайдаланып байыгандар жооп берет!»-, деп жазылат маалыматта.
