Кыргыз Республикасынын Юстиция иштери боюнча кеңеши бир катар райондук жана шаардык соттордо судьялык бош кызмат орундарына сынактык тандоону ачты. Бул тууралуу Юстиция иштери боюнча кеңештен билдиришти.
Маалыматка ылайык, Ош шаардык сотуна эки, Араван жана Өзгөн райондук сотторунда бирден орун бар.
Кошумчалай кетсек, Ысык-Көл облусунун Тоң райондук сотуна судья керек.
Арыз жана документтерди тапшыруу процесси 3-октябрда башталып, 2025-жылдын 20-октябрына чейин уланат.
Талапкерлер төмөнкү мыйзам талаптарына жооп бериши керек:
- Кыргызстандын жараны,
- 30 жаштан 65 жашка чейинки куракта;
- юридикалык билими жана беш жылдан кем эмес юридикалык тажрыйбасы болушу керек.
Талапкерлер ошондой эле мамлекеттик тилди В1 деңгээлинде билерин көрсөтүп, документтердин толук пакетин, анын ичинде соттолбогондугу тууралуу маалымкаттарды, медициналык корутундуну жана 2024-жылга салык декларациясын тапшырышы керек.
