Ошто жашаган дарегин таппай адашып калган 7 жаштагы кыздын жакындары изделет. Бул тууралуу Ош ОИИБинин маалымат кызматынан билдиришти.
Маалым болгондой, бүгүн, 2-февралда саат 19:30 чамасында Ош ОИИБинин жашы жете электердин укук бузууларын алдын алуу борборуна үйүнөн адашып калган 7 жаштагы кыз алып келинген.
«Кыздын айтымында, ал Ноокаттан келген. Ата-энесинин даректерин айта албай жатат. Кимде-ким ушул кызды издеп жаткан болсо жакындарына кабарлап коюуӊуздарды суранабыз», — деп айтылат билдирүүдө.
Байланыш номери: 0550 730-818
