Ошто педофилдердин кылмышын жеңил беренеге алмаштыруу үчүн акча алган деп жактоочулар кармалды.
УКМКнын маалыматына караганда, М.И.Х. жана С.Ж.Х. аттуу жактоочулар жашы жете электерге карата зордуктоо жөнүндө кылмыш ишти сексуалдык мүнөздөгү анча оор эмес беренеге өзгөртүүгө жардам берем деп 270 миң сом талап кылышкан.
Бирок кылмыштын квалификациясын өзгөртүү үчүн иш жүзүндө эч кандай чара көрбөгөндүгү жана акчаны алдамчылык жолу менен ээлеп алгандыгы аныкталган.
Шектүүлөр 220 миң сомду кайтарып берип жатканда кармалып, убактылуу кармоочу жайга киргизилди.
