Ошто өзүн блогер деп тааныштырып, 100 миң сом опузалаган балдар кармалды
Окуя 10-февралда болгон. Шектүүлөр жигит-кыздын машинада отурган учурун видеого тартып алып, жигитти “кызга адепсиз мамиле жасадың” деп, акча талап кылышкан. Өзүн блогер атагандар «ооз басырык» бербесе, видеону соцтармакка жайылтабыз деп коркутканы айтылды.
Жабырлануучу аларга 50 миң сом которгонун айтып, милицияга кайрылган. Блогерлер андан кийин дагы 500 доллар алып жаткан маалда колго түшкөн. 21, 24 жаштагы бул экөө убактылуу кармоочу жайга киргизилди.
