Кечээ, 15-декабрь Ош шаарынын А. Сүйүмбаев атындагы борбордук стадионунун кире бериш бөлүгүнө курулган чакан эс алуучу жай пайдаланууга берилди. Ачылышына мэр Жеңишбек Токторбаев, шаардык кеңештин төрагасы Болот Баетов жана жашоочулар катышты. Бул тууралуу мэриядан билдиришти.
Маалыматка ылайык, стадиондун батыш тарабында буга чейин ар кандай тейлөөчү жайлар иш жүргүзүп келген.
Шаар мэринин тапшырмасынын негизинде бул курулуштар алынып, ордуна заманбап талаптарга жооп берген эс алуу сквери курулду. Жасалган бул иштер толугу менен жергиликтүү бюджеттин эсебинен каржыланды.
Ошондой эле борбордук стадионго ФИФАнын талаптарына жооп берген гибриддик футбол талаасы курулуп, чуркоочу аянтчага заманбап резина каптама төшөлдү. Негизги курулуш иштери толук аяктап, бүгүн расмий түрдө пайдаланууга берилди. Жаңылануу иштери республикалык бюджеттин эсебинен каржыланды.
