Ош шаарында бүгүн, 1-октябрь – Улгайган адамдардын эл аралык күнүнө карата «Карыларга көңүл буруу жана кам көрүү» аталышындагы бир айлык өнөктүктүн алкагында муктаж болгон карыларга ар тараптуу жардамдар көрсөтүлдү.
Ош шаарынын мэриясынын өкүлдөрү «Боорукердик» үйүндө жашаган улгайган жарандардан кабар алышып, жакындан жардам көрсөтүшүп, азык-түлүктөрдү жана белектерди тапшырышты. Ошондой эле, ОшМУнун медициналык факультетинин студенттери тарабынан акысыз медициналык кароо уюштурулду.
Мындан тышкары жалгыз бой, аз камсыз болгон жана социалдык жактан аялуу катмарынан (Ош шаардык эмгек, социалдык камсыздоо жана миграция башкармалыгында каттоодо турган) 230 улгайган жарандарга майрамдык концерттик программа тартууланып, сый-тамак берилди.
