Ошто курулуп жаткан жер үстүнөн өтүүчү жөө өтмөк урап түшкөн. Бул тууралуу видео социалдык тармактарга тарады.
Ош шаардык мэриясы үн катып, жаңыдан куюлуп жаткан бетон агып түшүп калгандыгын билдирди.
«Учурда жөө өтмөк кулап түштү, көпүрө кулады деген маалыматтар тарап жатат. Өтмөктүн бетон куйган тарабы турат. Жер бетон куюу учурунда бир бөлүкчөсүндө техникалык мүчүлүштүк болуп, жаңыдан куюлуп жаткан бетон агып түшүп калган. Бул жерде эч кандай маселе же көйгөй жок. Өтмөктүн негизги конструкциясына эч кандай зыян келген эмес», – деди Шумкарбек Пайзиев.
