Ош шаарынын прокуратурасы тарабынан мыйзамдардын аткарылышын көзөмөлдөө жана коррупцияга каршы аракеттенүү боюнча аткарылган иштер тууралуу жарым жылдык отчет жарыяланды. Бул туурасында аталган бөлүмдүн башчысы Шабдан Муратбеков билдирди.
- Мыйзамдардын аткарылышын көзөмөлдөө боюнча 314 мыйзам бузуу аныкталып, жыйынтыгында 17,4 млн сом акчалай, 855,3 млн сом наркында натуралдык түрдө өндүрүлүп, 11 кызмат адамы ар кандай тартиптик жоопкерчиликке тартылды.
- Коррупцияга каршы аракеттенүү боюнча 144 мыйзам бузуу аныкталып, 18 кызматкер тартиптик жоопкерчиликке тартылып, 6 млн сом акча каражаты мамлекетке төлөнүп, 4 кылмыш иши козголду.
- Жарандардын укуктарын жана эркиндиктерин коргоо боюнча 78 мыйзам бузуу катталып, 15 кызматкерге ар түрдү тартиптик чаралар көрүлүп, 807 762 сом акчалай мамлекетке төлөндү.
- Балдар жөнүндө мыйзамдардын аткарылышы боюнча жалпы 44 мыйзам бузуу аныкталып, анын 28 учуру чечилип, мыйзам бузуу четтетилген. Мыйзам бузуунун 13 учуру текшерилүү процессинде. Жалпысынан 9 кызматкерге тартиптик чара көрүлдү.
