Ошто милиция кызматкерлери түнкү суукта машинада уктап калган 5 жашар кызды куткарды.
Маалыматка ылайык, окуя бүгүн түндө болгон. Нөөмөттө жүргөн кызматкерлер Ош эл аралык аэропортунун унаа токтотуу жайында турган машинада наристе уктап жатканын байкашкан. Унаанын эшиги бек болгондуктан, ээсин таба алышкан эмес.
Түндө катуу суук болгондуктан эшикти талкалап ачып, үшүп калган кызды куткарып, тез жардам көрсөтүшкөн. Кийин ата-энесине өткөрүп берип, аларга түшүндүрүү иштерин жүргүзүшкөн.
Күбөлөрдүн айтымында, кыз автоунаанын ичинде 4 сааттай уктаган.
