Ош шаарынын аймагында уурулук менен алектенип жүргөн жарандар кармалды. Бул тууралуу Ош ШИИБдин басма сөз кызматы билдирди.
Маалыматка ылайык, шектүүлөр уурулукка чыгып, жарандардын буюмдарын уурдап кете беришген. Акыркы жолу уурдаган велосипед менен мобилдик телефонду сатып үлгүрбөй калышкан.
Алар Жалал-Абад облусунун Ала-Бука районунан Ош шаарына келип, түрдүү даректерде жашап жүргөн 1993-жылы туулган М. уулу И. жана анын шериги 1995-жылы туулган Кара-Суу районунун тургуну Т. уулу Т. уурулукка шектелип аныкталды. Алардын акыркы ай аралыгында эле беш уурулукка тиешеси бар болгон.
Учурда шектүүлөр убактылуу кармоочу жайына киргизилип, тергөө иштери жүрүүдө.
