20 жылдык жолугушуудан кийин күйөөсүнүн колунан каза болгон келиндин туулуп өскөн жери Өзгөн районунун Кызыл-Октябрь айылына Ош шаарынын мэри Жеңишбек Токторбаев келип ата-энесине жолугуп куран окуп, көңүл айтты.
Мэр бул каргашалуу окуя жалпы Кыргызстандыктарды кайгыга салып, аял затына болгон мындай мамилени айыптап жатышканын билдирди.
Ошондой эле маркумдун артында калган, мектеп жашындагы балдарын Ош шаарындагы В. Терешкова атындагы мектеп-интернатына жайгаштырууга жардам берерин, ал жерде жатакана, тамак-аш, кийим кече менен камсыздалып көзөмөлдө болорун кошумчалады.
