Кечээ, 23-январда Пакистандын бардык аймагында электр жарыгын берүү үзгүлтүккө учурады. Бул туурасында РИА Новости жазып чыкты.
Өлкөнүн энергетика министрлиги билдиргендей, дүйшөмбү күнү Пакистанда электр энергиясы өчүрүлдү. “Алгачкы маалыматтарга ылайык, бүгүн эртең менен Улуттук электр тармактарынын системалык жыштыгы 7,34кө төмөндөп, электр жарыгынын кеңири өчүрүлүшүнө алып келди”, — деп жазды министрлик твиттерде.
Учурда электр тармактар станцияларын калыбына келтирүү иштери жүрүп, четинен электр жарыгы берилип жатат.