8-ноябрда түнкүсүн Бишкектин Элебаев көчөсүндөгү таштанды челектен жаңы туулган ымыркай табылган. Милиция көп өтпөй анын энеси ким экендигин аныктаган.
Баланы таап алып, Тез жардам кызматына өткөрүп берген пакистандык студент supertv’га окуянын кандай болгонун айтып берген.
«Таштандыдан кара баштыкты көрүп калдык. Анын ичиндеги баланын абалы аябай начар болчу. Мен кошунама чалдым, ал Тез жардам чакыруу керектигин айтты. Тез жардам 5 мүнөттө келип, милиция да чакыруу керектигин айтышты. Милиция да келди. Ымыркай аябай ыйлап жаткан, бир кыргыз жигит футболкасын чечип берди. Мен мындайды өмүрүмдө көргөн эмесмин», — деди ал.
