Парижде Олимпиада оюндары жыйынтыкталды. Анын жабылышы Франциянын борборундагы “Станд де Франс” стадионунда өттү.
Социалдык тармактарда кыргызстандык спортчулар сүрөт, видео менен бөлүштү. Жабылыш аземинде Кыргызстандын желегин Жоламан Шаршенбеков жана Айсулуу Тыныбекова алып чыкты.
Эске салсак, Кыргызстандын атынан 16 спортчу катышты. Анда сууда сүзүү, спорттук күрөш (грек-рим, эркин жана кыз-келиндер арасындагы күрөш), жеңил атлетика, дзюдо жана бокс боюнча мелдештерде күч сынашты. Жалпысынан ата мекендик спортчулар 6 медаль жеңишти, анын ичинен 2 күмүш жана 4 коло.
Мелдештер 26-июлдан 11-августка чейин болуп өттү.
