7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Февраль 2025
Пн Вт Ср Чт Пт Сб Вс
 12
3456789
10111213141516
17181920212223
2425262728  
  • social_icon
  • social_icon
  • social_icon
  • social_icon

Президент “Алгакадам” ирригациялык каналынын курулушунун жүрүшү менен таанышты

533

Президент Садыр Жапаров бүгүн, 12-декабрда, Баткен облусуна болгон жумуш сапарынын алкагында Кадамжай шаарында жайгашкан “Алгакадам” ирригациялык каналынын курулушунун жүрүшү менен таанышты.

Ирригациялык каналдын курулушу 2022-жылдын апрелинде башталган. Канал 4200 га жерди сугат суу менен камсыз кылат. Каналдын жалпы узундугу 24,9 км, ал жалпы узундугу 6,3 км болгон үч тоннелди камтыйт:

— “Президенттик” — 2,7 км;
— “Премьер” — 1,9 км;
— “Кеңешчи” — 1,6 км.

Бүгүнкү күндө тоннелдин 741 метри курулуп бүткөн. Долбоорду жергиликтүү тургундар демилгелеп, кийинчерээк аны президент Садыр Жапаров колдогон. Каржылоо мамлекеттин жана ишкерлердин каражаттарынын эсебинен жүргүзүлөт. Президенттин фондунан “Алгакадам” коомдук фондуна 50 млн сом бөлүнгөн. Мындан тышкары, ирригациялык объектинин курулушуна республикалык бюджеттен 100 млн сом бөлүнүп, Баткен облусун өнүктүрүү фондуна которулган. Долбоордун болжолдуу сметалык наркы 2 млрд 972 млн сомду түзөт. Объектти 2027-жылы ишке берүү пландалууда.

Мамлекет башчысы стратегиялык объектини куруунун маанилүүлүгүн белгилеп, мындан ары да мамлекет керек болгон колдоо көрсөтөөрүн айтты. Ал жакынкы күндөрү дагы 100 млн сом кошумча каражат бөлөрүн билдирди.

Андан кийин Садыр Жапаров Баткен облусунун Кадамжай районунун мамлекеттик администрациясынын имаратынын жанында кыргыз философу, акын-жазуучу, ойчул Молдо Нияз Эрназар уулунун 200 жылдыгына карата орнотулган эстеликтин ачылышына катышты.

 

534