Президент Садыр Жапаров бүгүн Ош облусуна болгон жумушчу сапарынын алкагында Кара-Кулжа районундагы коомдук маданий борбордун курулушунун жүрүшү менен таанышты.
Курулуш, архитектура жана турак жай-коммуналдык чарба министри Нуртан Орунтаев Мамлекет башчысына курулуш үчүн муниципалдык менчикте турган 0,45 га жер тилкеси бөлүнгөнүн айтып берди. Имарат 3 кабаттан турат. Анда кинотеатр, машыгуу залы, тейлөөчү уюмдар, банк филиалдары, конференц-зал жана башка бөлмөлөр жайгашат.
Каржылоо Кыргыз Республикасынын Стабилдештирүү фондунан жүргүзүлөт жана 172,0 млн сом каралган.
Президент Садыр Жапаровго калкынын саны 100 миңге жеткен Кара-Кулжа районун өнүктүрүү пландары тууралуу презентация көрсөтүлдү.
