Өлкө башчы Садыр Жапаров бүгүн, 9-октябрда, Тажикстандын президенти Эмомали Рахмондун чакыруусу боюнча Тажикстан Республикасына иш сапары менен барды.
Маалым болгондой, мамлекет башчысынын учагы Душанбе шаарынын эл аралык аэропортуна конгон. Садыр Жапаровду Тажикстандын Премьер-министри Кохир Расулзода жана башка расмий адамдар тосуп алышты.
Мамлекет башчысы сапарынын жүрүшүндө «Борбор Азия – Россия» экинчи саммитине жана Көз карандысыз Мамлекеттер Шериктештигинин (КМШ МБК) мамлекет башчыларынын кеңешинин жыйынына катышат.
Ошондой эле КМШ мейкиндигинде жана «Борбор Азия – Россия» форматында практикалык өз ара аракеттенүүгө кошумча түрткү берүүгө багытталган бир катар биргелешкен документтерди кароо жана кабыл алуу күтүлүүдө.
