Ак-тал айылындагы үй-бүлөгө Садыр Жапаровдун атынан салынып берилген турак-жайдын документтери тапшырылды. Бул тууралуу Ак-Талаа райондук администрациясынан билдиришти.
Бүгүн район акими Жапаров Жумадилла Курсанбаевич Ак-Тал айылындагы 51 жаштагы баатыр эне Искакова Гүлзат Калыбековнага президенттин атынан салынып берилген жаңы турак-жайдын мамлекеттик актысы жана техникалык паспортун тапшырды.
Гүлзат айымдын 7 баласы бар, 2020-жылы жолдошу каза болуп, балдарын жалгыз тарбиялап келет. Буга чейин анын кызы интернет булактары аркылуу Садыр Жапаровго видео кайрылуу жиберген. Жиберилген кайрылуунун негизинде маалымат Президентибизге жетип, аталган үй-бүлөгө жаңы турак-жай салып берди.
