Жалал-Абад шаарындагы мектептердин биринде 4-класста окуган Атабек Буржиев президент Садыр Жапаровго кат жазып, жаңы жылга белек сураган. Бүгүн, 28-декабрда, өлкө башчысынын жиберген белегин Жалал-Абад шаарынын мэри Эрнисбек Ормоков тапшырды. Бул тууралуу мэриянын басма сөз кызматы билдирди.
Маалыматка ылайык, калаа башчысы Атабектин окууларына ийгиликтерди каалап, кирип келе жаткан жаңы жыл майрамы менен куттуктады. Атабек белекти алууга апасы жана карындашы менен келген. Ал президент Садыр Жапаровдун жиберген белегине ыраазычылыгын билдирип, жаңы жылдык куттуктоосун жолдоду.
