Президентинин администрациясынын канцеляриясынын регламент жана жыйын уюштуруу секторунун башчысы Сокинов Бактияр Муктарович 36 жаш курагында дүйнөдөн кайтты. Бул тууралуу Министрлер кабинетинин басма сөз кызматы некролог жарыялады.
Сокинов 1989-жылы 5-июлда Ысык-Көл облусунда төрөлгөн.
2012-2016-жылдары Ж.Баласагын атындагы Кыргыз улуттук университетинде бажы иштери, бухгалтердик эсеп, анализ жана аудит адистиги боюнча эки жогорку билимге ээ болгон.
Сокинов Президенттин администрациясындагы 6 жылдык эмгек жолунда референт, эксперт жана 2025-жылдын март айынан бери сектор башчысы болуп иштеп жаткан. Ошондой эле өкмөттүн аппарат жетекчисинин жардамчысы да болгон. Ага чейин «Түндүк» темир жол бажысында оператор кызматында иштеген.
Ага мамлекеттик жарандык кызматтын 2-класстагы кеңешчиси чини ыйгарылган. Ошондой эле Министрлер кабинетинин төрагасынын атынан алкыш жарыяланып, бир катар мамлекеттик органдардын жана ведомстволордун сыйлыктары берилген.
