Президент Садыр Жапаровдун тапшырмасы менен ӨКМ жана ТИМ биргеликте Иранга гуманитардык жардам жеткирет. Бул тууралуу ӨКМдин басма сөз кызматы билдирет.
Маалыматка ылайык, гуманитардык жардамда 66 тонна азык-түлүк, 63 тонна дары-дармек камтылган.
«Жалпы салмагы 129 тоннаны түзгөн гуманитардык жардамдын ичинде ун, эт консервалары, өсүмдүк майы жана керектүү дары-дармек каражаттары ӨКМдин жети оор жүк ташуучу унаалар колоннасына жүктөлүп, Иранга жеткирүүгө жөнөтүлдү.
Бул кадам жабыр тарткан жарандык калкка жардам көрсөтүүгө багытталган.
Аталган жүк КРнын Ирандагы элчиси А.Кылычевдин катышуусунда жеткирилип, иран тарапка тапшырылат.
